係咪好想知道相入面4位小朋友咁聚精匯神係到做緊咩呢? 佢地係到玩緊「拯救人質」遊戲! 唔好誤會，小朋友無刀又無槍，只係憑住腦部五大能力去完成呢個遊戲!
每位小朋友係每個回合入面都可以有一次機會輪流「紮骰仔」，兩粒骰仔得出嘅總和(現假設係6)，小朋友就可以從對方手上奪取相應數量嘅士兵，即係6個，亦都可以選擇將自己手上6個士兵送比盟友(適合分組形式)，務求以最快速度將對方士兵數量消耗至0，救走人質!
為左加強挑戰，老師會各出一條數學題要小朋友即時計出答案，如果太慢的話就要將「紮骰仔」嘅權利拱手相讓! 要完成或者係勝出呢個遊戲，一定要結合腦部五大能力，透過專注力聽老師講解遊戲規則同玩法，並且以視覺處理能力將遊戲規則同玩法圖象化，令自己得以理解，跟住就要運用記憶力將老師提出嘅問題及相關遊戲資訊記住，並且以邏輯推理能力搵出最有效勝出比賽嘅方法，呢一部份對於以分組形式進行黎講尤其重要，最後就當然以最快嘅速度解答老師問題同埋拯救人質!
數猴皇嘅課堂遊戲專係為小朋友而設，不但可以令佢地從遊戲中學習，亦可從而提高腦部五大能力，成為未來領袖，成為自己人生中嘅大贏家!
No comments:
Post a Comment